الفضائية السورية تثير سخرية الموالين بنقاشها ظاهرة التسول في أوروبا..فيديو

قاسيون_سوشال

أثارت حلقة لبرنامج "صباح الخير" على قناة "السورية الفضائية" موجة كبيرة من السخرية من متابعي القناة ورواد مواقع التواصل الإجتماعي

وتناول البرنامج موضوع التسول في "الصين"، وكيف يحصل المتسولين هناك على مبالغ تصل إلى 700 دولار شهرياً عن طريق مسحة الـQR على تطبيق "واتساب"، لتؤكد مذيعة في البرنامج أنه يجب على تلك البلدان وضع خطط للحد من ظاهرة التسول بدل تشجيعها بهذه الطريقة، على حد تعبيرها.

فيما علّقت مذيعة السورية على الرقم قائلة: "المبلغ قارب 700 دولار تقريبا هذا راتب موظف (وهون بلش التؤتؤ.. اوبس موظف شو ووين وشو هالرقم الضخم يلي عمتحكي عنو مذيعة راتبها بأحسن الاحوال 40 دولار)، أي شخص متسول بيقبض هيك مبلغ بيصير تشجيع الو وليس تشجيع للعمل".

إلى أن وصل الحديث في البرنامج عن التسول في "أوروبا"، لتتحدث احدى المذيعات قائلة: "إن أوروبا وحدة من الأماكن يلي فيها نسبة تسول كتير كبيرة، اختي بتقلي انت بتفكري اوروبا وياي شو حلوة، لا فيها تسول كتير".

ولاقى موضوع الحلقة وطريقة تعاطي المذيعات معها موجة كبيرة من ردود الفعل الساغرة على الصفحات الموالية، حيث كتبت المتابعة "ابتسام شاكر" لك بتثيروا القرف و الإشمئزاز ع هالمواضيع يلي بتطرحوها للنقاش.. سياسة إعلام النظام يلي بيتخبّى ورا أصبعه و بينكر كل الأهوال يلي بقلب البلد.. الفقر الجوع الذلّ، نهب موارد البلد.. كله مارق.. و يلي مو مارق معكم أنه في تسوّل بأوروبا.. علماً يلي حكت عنه حكيمة زمانها هو التعرّض للسرقة و النهب من بعض قطّاع الطرق و ليس من المتسوّلين.. المتسوّل ما بيهاجم حدا و لا بيسطو على حدا..

بس أنتوا عم تحاولوا تسطوا على عقول هالشعب بتشتيت انتباهه لمواضيع ما بتهمّه.. بطروحاتكم الغبيّة يلي بتنمّ عن جهل و بلطجة مخيفين.

أما "Ruba Barakat" فقال: نحنا مريحين حالنا...كل ما شفنا بلد متطور منقول عليهن يااااي شو عندن سرقة... يااااي مليان عندن غبرة...ياااي شو عندن أوكسجين...بهالوسيلة ما في داعي أبدا نتطور ليش نعذب حالنا ؟؟؟!!!

المتابع "باسم اليوسف" علق بالقول: ياااااا شو متخلفين هالغرب معقول لهلق عندهم ناس بحاجة يتسولوا يجوا يشوفوا بسورية الزحمة عالتبرعات بكل مكان طوابير متبرعين.

وكتب "Jamal Al Masri" ساخراً، ههههههههههه ههههههههههه...بعمركن ما ح تطوروا اذا بضلّو هيك...بتشوفو حبة الغبار بعين الاوربي ... وبتنسوا الخشبة اللي بعيونكن ...قال صباح الخير قال .... الله ينزع صباحكن.

يذكر أن ظاهرة التسول في المجتمع السوري، ازدادت بصورة ملحوظة جراء الحرب وتراجع الظروف الاقتصادية لعموم السوريين، خصوصا في المناطق الخاضعة لسيطرة النظام السوي.