موالون يشنون هجوماً كاسحاً على وزير الكهرباء بعد حديثه عن عدالة التقنين..فيديو

قاسيون_سوشال

سخر ناشطون سوريون، من تصريحات وزير الكهرباء في حكومة النظام، المهندس "غسان الزامل"، لاذاعة نينار أف ام الموالية، حول عدالة وتوحيد التقنين في جميع المحافظات، بناءً على الكميات المولدة والمتوفرة.

وشن رواد مواقع التواصل الإجتماعي هجوماً شرساً على الوزير عقب تصريحاته الخارجة عن الواقع ووجهوا له اتهامات بالكذب وبأنه يعيش على كوكب أخر.

وعلق أحد المتابعين علة المقابلة التي اجراها الوزير عبر اذاعة نينار إف أم بالقول: ههههههههه لك اي توحيد تقنين يلي عم تحكو عنو والله بحياتها مالح تزبط عنا بدف الشوك خمسة قطع ونص ساعة وصل والحمدلله ولسا بتقولو توحيد تقنين وعدالة بين المناطق سيدي الكريم تابع التعليقات وشووف بتتصور انو نحنا عم نكذب او عم نفتري على وزارة الكهربا والمحطات المحولة بس بحياتنا مالح نخلص من الخيار والفقوس.

أما "هيثم قباني" فقال في تعليقه: وكأنو عم يحكي من كوكب تاني ومالو عرفان شو عم يصير وين العداله هي شو مشان الريف الملاصق للمدينه كل خمس ساعات طفي نصف ساعه شعل هي العداله ولا الريف مالو علاقه بالمدينه وتابع لشي قاره تانيه وماعنا خبر.

وكتب "Fisal Al Zohily" والله يا سيادة الوزير .. بكل صراحه كلامك عن عدالة التقنين غير صحيح معارض الواقع .. اقرب مثال صرلنا ٣ ايام الكهربا بتجي ٥ او ١٠ دقايق وبتطفي تلت ساعه او اكثر وبترجع تجي ١٠ دقائق ليمضى الساعه او الساعه ونص وبضل مقطوعه ٤ او ٥ ساعات ... فاي توحيد تقنين او عداله فيها .. يا ريت بنفسك تتاكد وتتوثق مو عحسب ما بيوصلك.

أما "ابو بسام علي" فقال: من اجل توحيد التقنين الساحل السوري بكامله ظلمة من الساعةالسادسة غياب الشمس وحتى ال١١مساء تاتي بعدها ساعة وتعود ظلمة هذا العمل بكل صراحة مقصود وممنهج.

وقال أخر لاتوجد اطلاقا وابدا اي نوع من العداله..على سبيل المثال مساكن اشرفيه صحنايا تسع ساعات متواصله بدون كهرباء هل هذا اسمه تقنين.سؤال موجه الى وزاره الكهرباء ووزير الكهرباء او ان القائمين على اداره التقنين يتلاعبون بذلك؟

وكتب "بسام يوسف" هالوزير عنا بسوريا شو عم يخبص وين عايش قال شو عدالة وتقنين واحد وأراضي زراعية عمركم سمعتوا اراضي زراعية لزراعة القمح موجودة بنص اللاذقية ومعفية من التقنين يمكن شي واحد زارع قمح عالبلكون لهيك عفو المنطقة من التقنين ياعمي كارثة اذا الوزير ما بيعرف شو عم يصير بوزارتو.

وكان وزير الكهرباء أكد خلال حديثة أنه حسب الكميات المولدة والمتوفرة لدينا، تم التوجيه بـ توحيد التقنين في جميع المحافظات السورية، وبأنه وتم تشكيل لجنة برئاسة مجموعة من الفنيين والمهندسين ليكون التقنين عادلاً على كل المحافظات، مع إعطاء ميزة في هذه الفترة للأراضي الزراعية ولري القمح.

وأشار إلى أن خطة توحيد التقنين في جميع المحافظات ستستمر على مدار الأيام القادمة ولن يتغير برنامج عدالة التقنين.